લોકડાઉન દરમિયાન મુશ્કેલ પડકારો હોવા છતાં પશ્ચિમ રેલ્વેએ ગુડ્સ ટ્રાફિક થી હાંસિલ કરી 2667 કરોડ ની આવક

અમદાવાદ,૨૮ જુલાઈ ૨૦૨૦

સમગ્ર વિશ્વના જનજીવનને પ્રભાવિત કરતા કોરોનાવાયરસ રોગચાળાને કારણે આપણો દેશ પણ સૌથી મુશ્કેલ સમયનો સામનો કરી રહ્યો છે. પૂર્ણ લોકડાઉન  અને વર્તમાન પરિસ્થિતિ દરમિયાન મુશ્કેલ પડકારો હોવા છતાં, પશ્ચિમ રેલ્વેએ તેની લોડિંગ પ્રવૃત્તિઓ ચાલુ રાખી છે.

     પશ્ચિમ રેલ્વેના મુખ્ય જનસંપર્ક અધિકારી શ્રી સુમિત ઠાકુર દ્વારા જારી કરવામાં આવેલી એક અખબારી યાદી મુજબ, 22 માર્ચ, 2020 થી પૂર્ણ લોકડાઉન અને વર્તમાન આંશિક લોકડાઉન દરમિયાન કઠિન પરિસ્થિતિઓ અને  પડકારો હોવા છતાં, પશ્ચિમ રેલ્વેએ 26 જુલાઈ, 2020 સુધી 10,292 માલગાડીઓ લોડ કરીને સરાહનીય કાર્ય કર્યું છે જેના પરિણામ રૂપે 2667 કરોડ ની આવક થઈ છે.  વિવિધ સ્ટેશનો પર શ્રમશક્તિ ની અછત હોવા છતાં વેસ્ટર્ન રેલ્વે  એ તેની માલગાડીઓ દ્વારા  દેશભરમાં જરૂરી સામગ્રી નું પરિવહન સુનિશ્ચિત કરી રહી છે.  તેમાં પીઓએલના 1107, ખાતરોના 1727, મીઠાના 5559, અનાજના 105, સિમેન્ટના 794, કોલસાના 409, કન્ટેનરના 4877 અને સામાન્ય માલના 48 રેકનો સમાવેશ થાય છે, જેમાં દેશના પૂર્વીય પ્રદેશો માટે કુલ 20.98 મિલિયન ટન વજનવાળી ટ્રેનોનો સમાવેશ થાય છે.  આ ઉપરાંત, મિલેનિયમ પાર્સલ વાન અને દૂધના  વેગનનાં વિવિધ રેક્સ, દવાઓ, તબીબી કીટ, સ્થિર ખોરાક, દૂધની પાવડર અને પ્રવાહી દૂધ

 જેવી વિવિધ આવશ્યક ચીજવસ્તુઓની સપ્લાય માટે ઉત્તર અને ઉત્તર પૂર્વી પ્રદેશોમાં મોકલવામાં આવ્યા હતા.  કુલ 20,178 માલગાડીઓને  અન્ય ઝોનલ રેલવે સાથે ઇન્ટરચેન્જ કરવામાં આવી હતી, જેમાંથી 10,082 ટ્રેનો સોંપવામાં આવી હતી અને 10,096 ટ્રેનોને પશ્ચિમ રેલ્વેના વિવિધ ઇન્ટરચેંજ પોઇન્ટ તરફ લઈ જવામાં આવી હતી.  આ સમયગાળા દરમિયાન, પશ્ચિમ રેલ્વેના વિવિધ સ્ટેશનો પર મજૂરોની અછત હોવા છતાં, જમ્બો ના 1338 રેક, BOXN ના 678 રેક અને BTPN ના 574 રેક્સ સહિત વિવિધ મહત્વપૂર્ણ ઈનવર્ડ રેક્સને અનલોડ કરવામાં આવ્યા હતી.

      શ્રી ઠાકુરે જણાવ્યું હતું કે 23 માર્ચ, 2020 થી 26 જુલાઈ, 2020 સુધીમાં, લગભગ 85 હજાર ટન વજનની આવશ્યક સામગ્રી પશ્ચિમ રેલ્વે દ્વારા તેની 425 પાર્સલ  ટ્રેનો દ્વારા પરિવહન કરવામાં આવ્યા છે, જેમાં કૃષિ ઉત્પાદનો, દવાઓ, માછલી, દૂધ વગેરેનો સમાવેશ થાય છે.  મુખ્યત્વે સામેલ છે.  આ પરિવહન દ્વારા આવક 27.07 કરોડ રૂપિયા થઈ છે.  આ સમયગાળા દરમિયાન, પશ્ચિમ રેલ્વે દ્વારા  64 દૂધની વિશેષ ટ્રેનો ચલાવવામાં આવી હતી, જેમાં  48 હજાર ટનથી વધુનો ભાર હતો અને વેગનનો 100% ઉપયોગ કરવામાં આવ્યો હતો, જેની આવક આશરે 8.33 કરોડ રૂપિયા હતી.  આવી જ રીતે 30,000 ટનથી વધુ વજન ધરાવતી 346 કોવિડ -19  વિશેષ પાર્સલ ટ્રેનો પણ વિવિધ આવશ્યક ચીજવસ્તુઓના પરિવહન માટે ચલાવવામાં આવી હતી, જેની આવક રૂ .15.41 કરોડથી વધુ છે.  આ સિવાય 6493 ટન વજનના 15 ઇન્ડેન્ટેડ રેક્સ પણ લગભગ 100% ઉપયોગ સાથે ચલાવવામાં આવ્યા હતા, જેનાથી રૂ 3.33 કરોડની આવક થઈ છે. પશ્ચિમ રેલ્વે દ્વારા દેશના જુદા જુદા ભાગોમાં સમયબદ્ધ  પાર્સલ સ્પેશિયલ ટ્રેનો ચલાવવા ની ચાલુ રાખવામાં આવી છે. આમાંથી એક પાર્સલ વિશેષ ટ્રેન પશ્ચિમ રેલ્વે પર 27 જુલાઈ 2020 ના રોજ પોરબંદર થી શાલીમાર જવા માટે રવાના થઈ હતી.

પ્રદીપ શર્મા,જનસંપર્ક અધિકારી,પશ્ચિમ રેલવે, અમદાવાદ