8 અને 12 જુલાઇની ઓખા-ગુવાહાટી પાર્સલ સ્પેશિયલ ટ્રેન ગુવાહાટીને બદલે ચંગસારી સુધી ચલાવવામાં આવશે.
અમદાવાદ,07/07/2020
કોવિડ-19 આપત્તિ દરમિયાન લોકડાઉન સમયગાળા દરમિયાન, દેશના વિવિધ ભાગોમાં દવાઓ, તબીબી ઉપકરણો, તબીબી વસ્તુઓ, ખાદ્ય ચીજો વગેરેની આવશ્યક ચીજવસ્તુઓની સપ્લાય માટે ઓખા-ગુવાહાટીની વચ્ચે 5 ઓગસ્ટ, ૨૦૨૦ સુધી પાર્સલ સ્પેશિયલ ટ્રેન ચલાવવામાં આવી રહી છે. કોરોના વાયરસના સંક્રમણને લીધે, કામરૂપ મેટ્રોમાં સંપૂર્ણ લોકડાઉન થઈ ગયું છે, જેના કારણે 8 અને 12 જુલાઈ 2020 ના રોજ ઓખાથી ચાલતી ટ્રેન નંબર 00949 ઓખા-ગુવાહાટી પાર્સલ સ્પેશિયલ ટ્રેન ઓખાથી ઉપડીને ગુવાહાટી બદલે ચંગસારી સ્ટેશન સુધી જશે.
આજ રીતે 11 અને 15 જુલાઈ 2020 ના રોજ ગુવાહાટીથી ઉપડનારી ટ્રેન નંબર 00950 ગુવાહાટી-ઓખા પાર્સલ સ્પેશિયલ ટ્રેન ગુવાહાટીને બદલે ચંગસારી સ્ટેશનથી શરૂ થઇને ઓખા સુધી જશે. નોંધનીય છે કે ચંગસારી અને ગુવાહાટી સ્ટેશન વચ્ચેનું અંતર 22 કિલોમીટર છે.
આ ઉપરાંત આ ટ્રેનોમાં અગાઉ જાહેર કરેલા સ્ટોપેજ ઉપરાંત હવે પાટલીપુત્ર સ્ટેશન પર બંનેદિશામાં સ્ટોપેજ પણ આપવામાં આવ્યું છે.
પ્રદીપ શર્મા,જનસંઘના અધિકારી
પશ્ચિમ રેલવે, અહમદાવાદ