રેલના કોચિંગ ડેપો સાબરમતીએ શ્રેષ્ઠતા માટે ચાર પ્રમાણપત્ર મેળવ્યા

વેસ્ટર્ન રેલ્વેના અમદાવાદ વિભાગના સમન્વિત રેલના કોચિંગ ડેપો સાબરમતીને તાજેતરમાં શ્રેષ્ઠતા માટે ચાર પ્રમાણપત્ર મળ્યા છે, જે વધુ સારા મેનેજમેન્ટ માટે ટૂંકા સમયમાં મેળવેલી નોંધપાત્ર પ્રાપ્તિ છે.

વિભાગીય વ્યવસ્થાપક શ્રી દીપકકુમાર ઝાએ જણાવ્યું કે ગુણવત્તા વ્યવસ્થાપન માટે ISO 9001:2015 પ્રમાણપત્ર, વ્યાવસાયિક સલામતી પ્રબંધન માટે ISO 45001:2018 પ્રમાણપત્ર, વધુ સારા પર્યાવરણ પ્રબંધન માટે ISO 14001:2015 પ્રમાણપત્ર અને કાર્ય-સ્થલની વ્યવસ્થાપન પ્રણાલી માટે 5s પ્રમાણપત્ર પ્રાપ્ત કરીને જાન્યુઆરી 2019 માં સ્થપાયેલા સમન્વિત રેલના ડબ્બાના ડેપો સાબરમતીએ નોંધનીય સફળતા મેળવી છે. આ ડેપોએ માત્ર દોઢ વર્ષમાં જ ચાર પ્રમાણપત્ર પ્રાપ્ત કરીને ગૌરવવંતી પ્રતિષ્ઠા બનાવી છે. કેઅર સર્ટિફિકેશન પ્રાઇવેટ લિમિટેડ, નવી દિલ્હિએ આઇસીડી સાબરમતીમાં યોજાયેલા એક કાર્યક્રમમાં વિભાગીય રેલ વ્યવસ્થાપક શ્રી દીપકકુમાર ઝાને ઉપરોક્ત પ્રમાણપત્રો આપ્યા હતાં.

આ પ્રસંગે વરિષ્ઠ યાંત્રિક ઇજનેર (સમન્વય) શ્રી અભિષેકકુમાર સિંહ, વરિષ્ઠ ડેપો અધિકારી, સાબરમતી, શ્રી એસ. કે. મુખર્જી અને વરિષ્ઠ પર્યાવરણ અને ગૃહ-વ્યવસ્થા પ્રબંધક શ્રી ફ્રેડરિક પેરિયત પણ હાજર હતા. શ્રી મુખર્જીએ જણાવ્યું કે આઇસીડી સાબરમતી પશ્ચિમ રેલેવેનો એક માત્ર એવો ડેપો છે કે જેમાં દરેક પ્રકારના રેલના ડબ્બા, જેમ કે, ડેમૂ, એલએચબી અને પારંપારિક ડબ્બાઓની જાળવણી કરવામાં આવે છે. શ્રેષ્ઠતા માટેના પ્રમાણપત્રો ડેપોના ઉત્સાહિત તેમજ નિષ્ઠાવાન-સમર્પિત કર્મચારીઓની મહેનતનું પરિણામ છે