આખા ભારતીય રેલ્વે પર સ્ક્રેપનો સૌથી મોટો જથ્થો વેચીને પશ્ચિમ રેલ્વે “મિશન ઝીરો સ્ક્રેપ” ના માર્ગે નિરંતર અગ્રસર

અમદાવાદ, ૧૦ ડિસેમ્બર: પશ્ચિમ રેલ્વે નજીકના ભવિષ્યમાં “મિશન ઝીરો સ્ક્રેપ” અંતર્ગત તમામ રેલ્વે મથકોને સ્ક્રેપ મુક્ત બનાવવા માટે પ્રતિબદ્ધ છે અને દરેક પ્રયત્નો શક્ય બનાવશે. ઉલ્લેખનીય છે કે વર્ષ 2019-20માં પશ્ચિમ રેલ્વેએ સ્ક્રેપના વેચાણથી ₹533.37 કરોડ મેળવ્યા છે. જે ભારતીય રેલ્વેમાં તમામ ઝોનલ રેલ્વેમાં સૌથી વધુ છે. પશ્ચિમ રેલ્વેના જનરલ મેનેજર શ્રી આલોક કંસલના ઉત્સાહપૂર્ણ નેતૃત્વ અને કુશળ માર્ગદર્શન હેઠળ વર્તમાન આર્થિક વર્ષ દરમિયાન પણ પશ્ચિમ રેલ્વેએ અત્યાર સુધીમાં ₹230.31 કરોડના સ્ક્રેપ નું વેચાણ કર્યું છે. આ સ્ક્રેપનું વેચાણ કરવામાં આવ્યું છે, જે ભારતીય રેલ્વેમાં તમામ ઝોનલ રેલ્વેમાં સૌથી વધુ છે. 

પશ્ચિમ રેલ્વેના મુખ્ય જનસંપર્ક અધિકારી શ્રી સુમિત ઠાકુર દ્વારા જારી કરાયેલ એક પ્રેસ રિલીઝ મુજબ, ટ્રેક, કોચ, વેગન, લોકોમોટિવ્સ અને પુલોની સમયાંતરે જાળવણીથી સ્ક્રેપ ઉત્પન્ન થાય છે. મિશન ઝીરો સ્ક્રેપ હેઠળ, સ્ક્રેપ તેના મૂળના બે મહિનામાં વેચાય છે. પશ્ચિમ રેલ્વે માટે તે એક મોટી સિદ્ધિ છે કે તેણે તેના તમામ કારખાનાઓમાં શત પ્રતિશત જ્યારે 97% સ્ટેશનો અને 65% સેક્શન અને ડેપો આ મિશન હેઠળ સ્ક્રેપ મુક્ત છે. શ્રી ઠાકુરે જણાવ્યું હતું કે, પશ્ચિમ રેલ્વેએ  શૂન્ય બિનઉપયોગી માળખાને લક્ષ્યાંક બનાવ્યો છે જેમાં નાણાકીય વર્ષ 2020-21 ના અંત સુધીમાં જૂના સ્ટાફ કવાર્ટર્સ, સર્વિસ બિલ્ડિંગ્સ, પાણીની ટાંકી દૂર કરવાનું સામેલ છે. પશ્ચિમ રેલ્વે દ્વારા આ માળખાઓને ઇ-ઓક્શન દ્વારા યથા સ્થિતિના આધારે નિકાલ કરવાનો નિર્ણય લેવામાં આવ્યો છે. અત્યાર સુધીમાં 4000 આવા બાંધકામોની કિંમત 7 કરોડ રૂપિયાની નોંધપાત્ર આવક સાથે વેચવામાં આવી છે. આ વેચાણના પરિણામે, પશ્ચિમ રેલ્વેમાં આ જૂના બિનઉપયોગી બંધારણોમાંથી 6 કરોડની બચત પણ થશે.